زغلول لطيف يا عريف، زغلول لطيف يا عريف
نحكي لك و افهم
في سن الورد والزهر باهي الأوصاف
مغرور بريشه الظريف، مغرور بريشه الظريف
ماجي متخاصم
سلى سيفه قال لي عندي خلاف
سبحان الله يا لطيف، سبحان الله يا لطيف
أنت اللي تعلم
كاين شي ناس من استحاهم يقولوا خاف
فاتت الأمطار و الخريف، فاتت الأمطار و الخريف
ما زال مرسم
يرجع هو مول دارك و أنت جحراف
كاين اللي يجيك ضيف، كاين اللي يجيك ضيف
بالقش مرزم
في يوم البرد و الشتا و الريح الزفزاف
سبحان الله يا لطيف، سبحان الله يا لطيف
أنت اللي تعلم
كاين شي ناس من استحاهم يقولوا خاف
لحمام إذا نسى الولفة، من بعد الحب والشغاف
خلاني في الأحزان و جفى، من دون دواس لاخلاف
هذا تحقيق به شوفة، شكيت داروا له الثقاف
الباز إذا غاب صدفة، يهجر و يروح للتلاف
خلاها خالية الغرفة، من ذاك اليوم ما أنشاف
ضنيته صاحبي و يشفى، و ترن ثعبان فالاجواف
كاين اللي يجي تقيف، كاين اللي يجي تقيف
يعرف يتكلم
بالكتوب و الرسول و السادات الأشراف
يخدعك غير بالحليف، يخدعك غير بالحليف
يقسم و يعظم
والسبحة راه من وراها عامل زرناف
سبحان الله يا لطيف، سبحان الله يا لطيف
أنت اللي تعلم
كاين شي ناس من استحاهم يقولوا خاف
